Bingen Mendizabalen ordezkaria

BINGEN MENDIZABAL ORDEZKARIA

Bingen Mendizabal Gasteizen jaio zen 1962ko abenduan.

Musika-ikasketak 1969. urtean hasi zituen Jesus Guridi kontserbatorioan.

Biolina (Albina Madinabeitiarekin), pianoa, kontrapuntua, fuga eta konposizioa (Carmelo Bernaolarekin) ikasi ditu. Horrez gain, zenbait ikastaro ere egin ditu ikasketak handitzeko: konposizio garaikidea, Gabriel Brencicekin; musika elektroakustikoa, Luis de Pablorekin, eta zinemarako musika, Anton Garcia Abrilekin.

Musikari gisa ere parte hartu du zenbait talde eta abeslarirekin (Mikel Urdangarin, Hertzainak, La Polla Records, Gorka Knörr eta abar), antzerki-talderekin (Geroa, Teatro Paraíso) eta konposizioak egin ditu kontzertuetarako, bideo-instalazioetarako, inaugurazioetarako eta erakusketetarako.

1989. urtetik zinemarako musika egiten du eta Estatuko nahiz nazioarteko hainbat zuzendarirekin aritu da. Estatukoen artean, Juanma Bajo Ulloa, Enrique Urbizu, Montxo Armendáriz, Imanol Uribe, Manuel Gutiérrez Aragón, Mariano Barroso eta Manuel Gómez Pereira, eta nazioartekoen artean, Marcelo Piñeyro, Julien Temple, Betty Kaplan eta Francisco Lombardi.

2008. urtean soinu-bandarik onenaren Goya sarirako aukeratu zuten Manuel Gomez Pereiraren “El juego del ahorcado” filmarekin. Bestalde, soinu-bandarik onenaren saria irabazi du film hauekin: “La madre muerta” (Zinema Idazleen Elkartea), “Cosas que hacen que la vida valga la pena” (Monte-Carloko zinemaldia) edo “Arriya” (Festival de cine de Málaga).

FILMOGRAFIA:

2016 Hartz txiki (Film laburra)

2015 The scale of an obsession (Film labur dokumentala)

2013 La Batalla de Vitoria (Dokumentala)

2012 Bypass

2012 Marisa (Dokumentala)

2011 Arriya

2010 El excesivo consumo de estrógenos de Ludovico Graham (Film laburra)

2009 Flysch, el susurro de las rocas (Dokumentala)

2009 Los caminos de la memoria (Dokumentala)

2009 La máquina de pintar nubes

2009 Life and Film (The Labyrinthine Biographies of Vojtech Jasny) (Dokumentala)